Antena 3 estrea hoxe "Lo que la verdad esconde", unha produción de Bambú sobre o caso Asunta

Antena 3 emitirá esta noite o primeiro dos tres capítulos da docuserie "Lo que la verdad esconde" dedicada ao caso Asunta. En setembro cumpriranse catro anos do asasinato de Asunta Basterra Porto. O espazo producido pola nosa socia Bambú Producciones non só conta o relato do acontecido nos primeiros cinco días de investigación trala aparición do cadáver da nena, senón que o fai ademais co selo de calidade técnica da produtora.
 

Unha delegación de catro empresas galegas participa no Marché du Film de Cannes coa colaboración do Clúster Audiovisual

Catro empresas do audiovisual galego están a participar estes días no Marché du Film do Festival de Cannes, que se desenvolve ata o vindeiro venres nesta localidade francesa como unha das principais citas cinematográficas a nivel internacional. A presenza galega neste mercado foi promovida pola Axencia Galega das Industrias Culturais (Agadic) a través do seu programa de internacionalización e promoción do noso audiovisual, e contou coa colaboración do Clúster Audiovisual Galego.
 

O Clúster Audiovisual participa na presentación de resultados do Plan Bienal 2015-2016 e avance de actuacións en materia de Industria 4.0

O Clúster Audiovisual Galego participou hoxe en Santiago de Compostela, xunto a representantes dos prinicipais clústers galegos, na xornada Presentación de resultados do Plan Bienal 2015-2016. Avance de actuacións 2017-18 en materia de Industria 4.0, organizada polo Igape e que contou coa participación do conselleriro de Economía, Emprego e Industria, Francisco Conde, quen invitou aos clústers a seguir colaborando coa Xunta para facer da Industria 4.0, da innovación e do emprego cualificado o sinal de identidade de Galicia. 
 

O foro Conecta Fiction, que conta co patrocinio do Clúster Audiovisual, recibe 70 proxectos internacionais para as súas sesións de pitching

Setenta proxectos de series e miniseries televisivas de América Latina, Europa e Estados Unidos responderon á convocatoria de Conecta Fiction, encontro internacional de coprodución que terá lugar na capital galega do 21 ao 23 de xuño co patrocinio do Clúster Audiovisual Galego, para a selección das 10 propostas que serán presentadas nas súas sesións pitching.
 

Axudas

  • Subvencións para o apoio a Agrupacións Empresariais Innovadoras 2017
  • Axudas á conciliación familiar e laboral, para persoas que se acollen á redución da súa xornada de traballo 2017