Noticias

''Sé quién eres'', de Arca Audiovisual (Grupo Filmax) e "Las chicas del cable", de Bambú, álzanse como as mellores series nos Premios Ondas 2017

A exitosa serie ''Sé quién eres'', producida por Mediaset en colaboración con Arca Audiovisual (Grupo Filmax), foi galardoada co Premio Ondas 2017 á mellor serie española. Mentres que "Las chicas del cable" conseguiu o Premio Ondas á Mellor serie de emisión online, dándolle outro triunfo a Bambú Producciones e Netflix.
 

Comeza a rodaxe da nova serie de TV3 producida por Arca Audiovisual (Grupo Filmax)

O pasado 9 de outubro comezou a rodaxe de "Benvinguts a la família", unha comedia de humor negro protagonizada r Melani Olivares e Yolanda Ramos, entre outros. A nova serie, que está producida por Arca Audiovisual (Grupo Filmax) e TV3, conta coa produción executiva de Pau Freixas e Ivan Mercadé e formará parte da programación de TV3 do ano que vén. A nova serie consta de 13 capítulos, de 50 minutos de duración, e emitirase o 2018.
 

O Clúster Audiovisual Galego participa activamente no mercado Mipcom de Cannes

O Clúster Audiovisual Galego está presente desde hoxe luns, día 16, nunha nova edición da feira Mipcom, na localidade francesa de Cannes, para promover e apoiar a internacionalización da industria audiovisual galega. Entre os obxectivos da entidade tamén está difundir todo o talento e a calidade de Galicia a través dos produtos audiovisuais e fomentar o seu consumo.
 

A 11ª edición do “I+P Ideas para producir” conta coa colaboración da Asociación Galega de Profesionais da Dirección e Realización (CREA)

O pitching “I+P Ideas para producir” organizado polo Clúster Audiovisual Galego conta na súa undécima edición coa colaboración da Asociación Galega de Profesionais da Dirección e Realización (CREA). Trátase da primeira actuación que se leva a cabo dentro do camiño iniciado por ambas entidades para manter unha colaboración máis estreita. Nesta ocasión ten como obxectivo favorecer a participación dos membros de CREA no pitching cunhas condicións preferentes.
 

Un proxecto de videoxogo galego seleccionado para participar na 3ª edición do Pitching Audiovisual Universitat-Indústria coa colaboración do Clúster Audiovisual Galego

proxecto de videoxogo galego “As Chiaventuras” resultou seleccionado para participar na terceira edición do Pitching Audiovisual Universitat–Indústria do Clúster Audiovisual de Catalunya. A selección do proyecto foi posible grazas á colaboración establecida entre o Clúster Audiovisual Galego, a Universidade da Coruña e o clúster catalán, enmarcada no labor realizado por estas tres entidades para conectar o novo talento coa industria audiovisual.
 

O documental galego “A Batalla Descoñecida” seleccionado na 62 edición da SEMINCI

O documental producido pola socia Agallas Films e dirixido por Paula Cons, "A Batalla Descoñcida"  participará na competición na sección DOCEspaña da 62 Semana Internacional de Cine de Valladolid. Este documental indaga nun episodio histórico agochado ata hoxe en día para o gran público: o da batalla do volframio que libraron aliados contra España durante a Segunda Guerra Mundial.

Comeza a rodaxe de “Cuando los ángeles duermen” de Gonzalo Bendala

Hai uns días comezou en Sevilla a rodaxe da nova película de Gonzalo Bendala, "Cuando los ángeles duermen", un trepidante thriller onde Germán, un honrado pai de familia, verá como todo o seu mundo se tambalea a noite na que, conducindo de volta a casa, atropela accidentalmente a dúas mozas adolescentes. A partir dese momento, Germán terá que facer todo canto estea na súa man para evitar que a súa vida quede destrozada para sempre.
 

"Velvet Colección" terá unha segunda temporada en Movistar+ en 2018

"Velvet Colección", secuela da serie de Antena 3 producida por Movistar+ en colaboración coa nosa socia Bambú Producciones, terá unha segunda temporada logo de converterse na serie máis vista da plataforma de Telefónica, superando a "Juego de Tronos".
 

Máis de 20 responsables de produtoras, cadeas de televisión e distribuidoras confirman a súa asistencia á 11ª edición do "I+P Ideas para producir"

Os responsables dunha vintena de produtoras, cadeas de televisión e distribuidoras interesadas en investir en coproducións e produtos de cine e televisión listos para a súa comercialización xa confirmaron a súa participación na 11ª edición do pitching “I+P Ideas para producir”, que se celebrará os días 22 e 23 de novembro en Santiago de Compostela. Organizado polo Clúster Audiovisual Galego o Pitching mantén aberto o prazo para a inscrición de proxectos ata o vindeiro 10 de outubro.
 

Páxinas