Central de compras

Central de compras
Central de compras

A Central de compras ten como obxectivo a compra agrupada de servizos ou produtos como telefonía, enerxía, etcétera, o que permite unha mellora nas condicións de contratación e tarifa.
 
•  O asociados do Clúster Audiovisual, a través dun acordo asinado con RISKMEDIA GROUP, gozarán dunhas condicións vantaxosas nos produtos e servizos aseguradores que contraten con esta correduría de seguros e reaseguros internacional especializada, entre outros, en seguros audiovisuais á industria española. Con máis de 20 anos de experiencia no sector audiovisual, RISKMEDIA é líder en España en toda a cadea de produción, e integrante do líder europeo no sector: Media Insurance. Ofrecendo solucións globais ás necesidades aseguradoras de empresas de cinematografía, animación, televisión, radio, broadcasting, publicidade, contidos na rede, aluguer de equipos, organizadores de espectáculos e eventos, e prensa e axencias de noticias.
 
• O Clúster Audiovisual e AEROMEDIA formalizaron un acordo de colaboración en virtude do cal os socios do clúster poderán gozar dunhas condicións comerciais vantaxosas na contratación dos servizos ofertados por esta compañía. Aeromedia ofrece solucións tecnolóxicas seguras e profesionais para cine dixital e vídeo profesional, que aportan diferenciación e valor engadido a calquera tipo de proxecto audiovisual.
 
• Os socios do Clag, a través dun acordo asinado coa cadea EUROSTARS HOTELS, poden gozar de descontos nas tarifas dos establecementos do grupo.
 
• O Clag e INTERVOX PRODUCTION MUSIC colaboran para que todos os asociados do clúster poidan gozar dunhas condicións vantaxosas nos produtos e servizos desta plataforma musical. Intervox® Production Music é un innovador catálogo de música para sonorización en TV, publicidade, cine, radio, deseño corporativo e medios telemáticos. O catálogo musical Intervox está baseado nos temas propostos pola industria audiovisual, socialmente relevantes e acordes coas novas tendencias e as distintas áreas de produción.
 
• O Clúster Audiovisual Galego e MUSIC LIBRARY & SFX estableceron un acordo de colaboración a través do cal todos os asociados do clúster poderán acollerse a beneficios e descontos en produtos e servizos desta plataforma. Music Library & SFX ofrece música, efectos de son e servizos para a produción de todo tipo de contido audiovisual. Ofrece calidade, variedade, flexibilidade e adaptación ás necesidades de cada empresa para a realización de variedade de contidos. Ademais agora esta empresa convértese nunha nova plataforma onde atoparás todo o que precises para levar a cabo a túa produción audiovisual.
 
•  Os socios do Clag, en virtude do acordo de colaboración establecido con OPIRATA.COM, poderán gozar dunhas condicións vantaxosas de compra nunha variedade de produtos deste ecommerce galego de tecnoloxía, que leva 10 anos posicionado no mercado. Ademais de ordenadores, smartphones ou compoñentes informáticos, tamén venden soportes de almacenamento óptico dirixidos a profesionais e outro tipo de consumibles que se empregan nos traballos audiovisuais.

 
• O Clag e CLIPYOO asinaron un acordo de colaboración en virtude do cal os socios do Clúster poderán beneficiarse das condicións vantaxosas establecidas no mesmo. Clipyoo  é unha plataforma de Internet dedicada á optimización da xestión dos contidos audiovisuais. Un espazo web dirixido a empresas e profesionais do sector audiovisual e, en xeral, a calquera persoa que queira elaborar un proxecto audiovisual. En Clipyoo os usuarios poden buscar, visualizar, comprar e descargar planos de vídeo, orixinalmente gravados en alta definición por profesionais, para empregalos nos seus proxectos e producións.
 
• O Clag e iiR ESPAÑA asinaron un acordo de colaboración polo que os socios do Clúster poderán beneficiarse de condicións vantaxosas na oitava edición do encontro anual "Revolution TV. Tv multiscreen... máis alá da televisión conectada", que se celebrará en xaneiro de 2014 en Madrid. En Revolution TV 2014 un total de 23 expertos analizarán nunha xornada como inflúe a TV Multiscreen nos propios usuarios finais mediante aplicacións e outras ferramentas para smartphones, tablets, etc. Destacados expertos do sector debatirán sobre as novas oportunidades que ofrecen as últimas tecnoloxías no ámbito da televisión e da second screen ou multiscreen, pasando polas novas formas de publicidade que aporta esta nova forma de ver a televisión.
 
• O Clag e DIGITAL RELIEVE colaboran para achegar a oferta de servizos dixitais da compañía á demanda dos socios do Clúster en condicións preferentes. Digital Relieve é unha empresa que nace en 2010 para dar servizo de conversión ás produtoras e distribuidoras de cine e publicidade, creando DCP's homologados segundo as normas DCI (Digital Cinema Iniciatives) da industria cinematográfica. Esta compañía baséase en dúas especialidades. Unha dirixida aos novos sistemas de proxección en salas de cine dixitais e a outra dirixida ao fomento e creación de contidos en estereoscopía tanto para salas de proxección S3D como para os futuros medios audiovisuais que en breve convertiranse a sistemas híbridos 2D-S3D.
 
• O Clag e UNIVERSAL MUSIC PUBLISHING chegaron a un acordo polo que lle permite aos seus socios gozar de condicións máis vantaxosas na contratación de obras de música de produción. A música de produción está especialmente pensada para o campo audiovisual e dixital. Música de todos os estilos, debidamente catalogada e cos dereitos prexestionados, que che permitirá cubrir as túas necesidades musicais nun só click. Universal Publishing Production Music permíteche escoitar, seleccionar e descargar música sen ter que abonala inicialmente. Se finalmente empregas algunha música licenciaríase e facturaríase en función da duración do uso e a plataforma de difusión.
 
• O Clag e ARTUROKRESSMUSICSTUDIO estableceron un acordo de colaboración, a través do que os asociados ao clúster poderán beneficiarse de descontos en todas as súas tarifas da colección KressMusicLibrary e nas futuras actualizacións do seu catálogo, así como nos traballos de composición, arranxos, gravación e demais servizos ofertados por ArturoKressMusicStudio.
 
 
 

Comparte: